ວິທີການຕັ້ງຄ່າ ປັກອິນ All In One WP Security & Firewall

All In One WP Security & Firewall

ຂັ້ນຕອນການຕັ້ງຄ່າ ປັກອິນ All In One WP Security & Firewall

  1. ໃຫ້ Login ເຂົ້າສູ່ລະບົບຫລັງບ້ານຂອງ WordPress ໂຕຢ່າງ: www.domainname.com/wp-admin
  2. ແລ້ວໃຫ້ຕິດຕັ້ງ Plugin All In One WP Security & Firewall
  3. ຫລັງຈາກນັ້ນ ໃຫ້ຜູ້ໃຊ້ວຽກເຂົ້າໄປຍັງເມນູ WP Security ເລືອກ Firewall
    ປັກອິນນີ້ຊ່ວຍໃຫ້ເຮົາສາມາດເປີດໃຊ້ການປ້ອງກັນຄວາມປອດໄພພື້ນຖານຂອງ Firewall ໃນເວັບໄຊຂອງເຮົາໄດ້ໂດຍຈະປັບ File .htaccess ໂດຍອັດໂນມັດ ເຊິງບໍ່ສົ່ງຜົນກະທົບຕໍ່ຟັງຊັ່ນອື່ນໆໃນເວັບໄຊ ແຕ່ຖ້າບໍ່ຫນັ້ນໃຈກະໃຫ້ສໍາຮອງຂໍ້ມູນ File .htaccess ໄວ້ກ່ອນຈະເປັນການດີ
  4. ມາເບີ່ງກັນຢູ່ແທບທໍາອິດ Basic Firewall Rules
    A) ເປີດໃຊ້ການປ້ອງກັນ Firewall ເລືອກການຕັ້ງຄ່າໄດ້ຕາມຄວາມຕ້ອງການ
    B) ເປີດລະບົບການປ້ອງກັນສົ່ງສັນຍານກັບຜູ້ບໍ່ປະສົງດີ (Pingback)
    ໂດຍຖ້າເຮົາໄດ້ມີການຕັ້ງຄ່າ ແລະ ກົດປຸ່ມ Save ແລ້ວ ຄະແນນຊິປ່ຽນຈາກ 0/15 ເປັນ 15/15
  5. ແທບທີ່ສອງ Firewall Rules
    ຟັງຊັນນີ້ເຮົາຈະສາມາດຕັ້ງຄ່າ Firewall ຂັ້ນສູງໄດ້ ແຕ່ຈະສົ່ງຜົນກະທົບຕໍ່ File .htaccess ສະນັ້ນສໍາຮອງຂໍ້ມູນ File .htaccess ໄວ້ກ່ອນ ຖ້າຕັ້ງຄ່າແລ້ວຄະແນນຈະປ່ຽນຄະແນນເຕັມ
  6. ແທບທີ່ສາມ 5G Blacklist Firewall Rules
    ຊ່ອຍລຸດຈໍານວນຄໍາຂໍ URL ທີ່ເປັນອັນຕະລາຍ ທີ່ສາມາດກະທົບກັບເວັບໄຊໄດ້ ຖືເປັນ 5G Firewall ທີ່ໄດ້ຮັບການທົດສອບວ່າເປັນຊຸດທີ່ດີທີ່ສຸດ ແລະ ກໍ່ກວນຫນ່ອຍທີ່ສຸດ 5G Firewall ບໍ່ມີຜົນກະທົບໃດໆຕໍ່ຟັງຊັນການເຮັດວຽກທົ່ວໄປຂອງເວັບໄຊ ແຕ່ຖ້າຕ້ອງການໃຫ້ສ້າງສໍາເນົາສໍາຮອງຂອງ File .htaccess ກ່ອນ ແລະ ຈື່ງດໍາເນີນການ
  7. ແທບທີ່ສີ່ Internet Bots
    ຟັງຊັນນີ້ຊ່ວຍໃຫ້ທ່ານສາມາດ Blocks bot ທີ່ແອບອ້າງເປັນ Google bot (Google bot ປອມ) ໄດ້
  8. ແທບທີ່ຫ້າ Prevent Hotlinks
    Hotlink ຄືການທີ່ມີໃຜບາງຄົນພະຍາຍາມເອົາລິ້ງຮູບພາບຂອງເຮົາໄປແປະເທິງ Blog ຫລື ເວັບໄຊຂອງເຂົາ ຫລື ການນໍາເອົາ URL ໄຟຂອງຄົນອື່ນມາໃຊ້ໂດຍບໍ່ໄດ້ຮັບອະນຸຍາດ
    ຟັງຊັນນີ້ຈະປ້ອງກັນບໍ່ໃຫ້ຄົນອື່ນເຊື່ອມໂຍງຮູບພາບຈາກຫນ້າເວັບໄຊຂອງເຮົາໄດ້ໂດຍກົງ ໂດຍການຂຽນຄໍາສັ່ງໄວ້ໃນໄຟ .htaccess
  9. ແທບສຸດທ້າຍ 404 Detection
    ຟັງຊັນນີ້ຊ່ອຍໃຫ້ເຮົາສາມາດກວດສອບລາຍະການ 404 ທີ່ເກີດຂຶ້ນໃນເວັບໄຊ ແລະ ນອກຈາກນີ້ຍັງມີຕົວເລືອກໃນການປິດກັ້ນທີ່ຢູ່ IP ຕາມໄລຍະເວລາທີ່ກໍາຫນົດໄວ້
  • Enable IP Lockout For 404 Events: ສາມາດເປີດໃຊ້ ການປິດກັ້ນທີ່ຢູ່ IP ເມື່ອຖ້າເຫັນລາຍການ 404
  • Time Length of 404 Lockout (min): ສາມາດຕັ້ງເວລາ IP address ທີ່ປິດກັ້ນ ອອກຈາກຫນ້າ 404 ໂດຍມີຄ່າ Default ຢູ່ທີ່ 60 ນາທີ
  • 404 Lockout Redirect URL: ສາມາດກໍານົດໃຫ້ IP address ທີ່ປິດກັ້ນໄປຫາ URL ທີ່ເຮົາກໍາຫນົດ
  • 404 Event Logs: ສະແດງໄຟບັນທຶກຂອງລາຍະການ 404 ໂດຍທີ່ເຮົາສາມາດລົບຂໍ້ມູນໄດ້
  • Delete All 404 Event Logs: ສາມາດກັບລາຍການ 404 log ທັງຫມົດໄດ້

ຖືເປັນປັກອິນ Security ທີ່ເປັນຕາໃຊ້ອີກປັກອິນຫນຶງ ໃຜທີ່ກໍາລັງຊອກຫາປັກອິນເພື່ອປ້ອງກັນອັນຕະລາຍຈາກຜູ້ບໍ່ປະສົງດິ ໃນການປ້ອງກັນເວັບໄຊຂອງທ່ານ ກະລອງເອົາປັກອິນນີ້ເປັນໂຕເລືອກເບິ່ງ

Comments

comments

Admin

ສອນ: ອອກແບບ ແລະ ພັດທະນາເວັບໄຊ - ສົນໃຈຮຽນຕິດຕໍ່ໄດ້ເບີໂທ: 020 5955 5686

Read Previous

Google Assistant ເລີ່ມຄືມະນຸດເຮົາຫລາຍຂື້ນແລ້ວ

Read Next

PUBG Mobile ອັບເດດລ່າສຸດ ເພີ່ມແຜ່ນທີ່ທະເລຊາຍ